Bernama Deka Ngaga 'Coffee Table Book' Bekaul Tun Pehin Sri Dr Wan Junaidi
KUCHING: Gerempung Berita Nasional Malaysia (Bernama) deka ngaga 'coffee table book' bekaul pejalai pengidup Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar.
Pekara nya dipadah maya penemuai basa Bernama ti betuaika Chairman Datuk Seri Wong Chun Wai enggau Tuai Pegawai Eksekutif Bernama, Datin Paduka Nur-ul Afida Kamaludin di Astana Negeri Sarawak ditu, Hari Dua.
Maya nya, Tun Pehin Sri Dr Wan Junaidi bela bisi bekunsi bup ke ditengkebang iya.
Tu nyengkaum 'Evolusi Parlimen dan Evolusi Speaker Parlimen Malaysia Edisi Ketiga' ke dipansut Dewan Bahasa dan Pustaka (DBP) kena 15 Januari 2024.
Kelimpah ari nya bup bukai nyengkaum 'The 365 Days in Astana: Kisah dan Potret Yang di-Pertua Negeri Sarawak Tun Pehin Sri Dr Wan Junaidi Tuanku Jaafar' sereta bup 'A Policeman' ti nyerita pengawa berambunka nyawa ngelaban Parti Komunis Kalimantan Utara di Miri, Sibu enggau Kapit maya iya gawa enggau Polis Kampung suba. -EDISI UKAS
