BAU: Bisi 70 entiti ba Kunsil Nengeri (DUN) Tasik Biru nerima geran Projek Mit Pemansang Menua Pesisir (MRP) sepenyampau RM1,183,387 ti diagih ungkup taun 2026.

Pengawa nyua geran nya udah dipenyadi Sapit Menteri Pengangkut Sarawak ti mega Kaban Kunsil Nengeri (ADUN) Tasik Biru Datuk Henry Harry Jinep di Bilik Aum Utama, Aras 2, Kompleks Opis Pelilih Bau, kena Hari Lima.

Ari semua penerima, bisi 57 entiti nerima chek agih belanja ba pengawa nya.

Entara penerima nya nyengkaum ari Komiti Pemansang enggau Pengelikun Genturung Pendiu, Rumah Sembiang, Gerempung Apai Indai enggau Pengajar, bemacham gerempung ukai dikuasa perintah enggau mega Institusyen Pelajar. - EDISI UKAS