PAKAN: Pengawa ngagihka geran Projek Mit Pemansang Menua Pesisir (MRP) sepenyampau RM700,000 ngagai 67 penerima di Pakan mandangka pengeransing perintah nyaup komuniti ba renggat baruh.

Kaban Kunsil Nengeri (ADUN) Pakan, Tan Sri William Mawan Ikom madah, penerima ari mayuh gerempung, Gerempung Indu Rumah Panjai sereta Komiti Pemansang enggau Pengelikun Genturung Pendiau (JKKK) ti mangku pengawa besai ba pemansang rama enggau komuniti menua.

Ku iya, bantu ti diagih ungkup bulan Mei nya dikearap ulih dikena manah kelebih agi dikena ngatur bemacham program enggau aktiviti ngaul komuniti nyerumba Pengerami Hari Gawai enda lama da.

“Agih belanja tu meseti dikena manah ngambi pemaik ulih diasai ke komuniti,” ku iya nyemetak.

Iya nyebut jaku nya ba Pengawa Nyuaka Geran MRP di Bilik Mayuhguna Opis Pelilih Pakan kena Hari Lima.

Nambah ke nya, Tan Sri William Mawan mega ngingatka semua penerima ngerumban pengawa ngatur chek nentuka atur program ti udah dilanggur ulih dipejalai nitih taga. - EDISI UKAS