LUNDU: Peranak Kampung Bagak enggau Kampung Pasir Tengah diatu ngasai fasiliti balai mayuhguna ti lantang enggau moden agi pengudah projek beungkus RM900,000 nya tembu menyana.

Fasiliti nya diserah ngagai komuniti menua nengah Pengawa Nyerahka Projek Tembu Ungkup Projek Agensi Penyeraris Pemansang Greater Kuching (GKCDA) ti dipenyadi Kaban Kunsil Nengeri (ADUN) Opar, Billy Sujang.

Tetiap balai digaga ngena agih belanja RM450,000, ngujungka semua ungkus projek RM900,000 nyadi sebagi ari inisiatif perintah ngemanah perengkaguna mensia mayuh ba kandang menua pesisir.

Maya bejaku, Billy madah ke fasiliti baka balai mayuhguna mangku pengawa besai nyadi palan aktiviti komuniti kelimpah nyadi pelasar nyempil kaul enggau semangat beserakup entara peranak.

Ku iya, balai nya mega ulih dikena ngatur bemacham program nyengkaum aum, aktiviti ngaul komuniti, main asal, pelajar sereta pengawa rasmi ngaul komuniti menua.

Projek nengah GKCDA nya mandangka pengeran perintah nambah pemansang infrastruktur menua pesisir dikena nyamin pengelantang enggau kualiti idup rayat ba DUN Opar. - EDISI UKAS