SELANGAU: Bisi 65 penerima nerima agih belanja Projek Mit Pemansang Menua Pesisir (MRP) Gerempung Indu sepenyampau RM285,000 dikena nyukung bemacham aktiviti enggau pemansang komuniti.
Agih belanja nya dikena negap pangku pengawa indu sereta meransang sida ransing ngambi bagi ba pemansang komuniti ba renggat baruh.
Kaban Parlimen Selangau, Edwin Banta udah nyua geran nya lebuh Program Beranchau Tikai Skim Sekuau 2026 ti diatur di Balai Penghulu Balang Sekuau, empai lama.
Ba program bukai, Edwin mega meri dua iku chapi ungkup peranak Kampung Dagang Tatau enggau Kampung Baru Tatau serimbai Hari Raya Aidiladha.
Bela datai ngerichah program nya, Tuai Polis Pelilih Dalat DSP Saga Chunggat, pengari Pegawai Pelilih Selangau Chua Siong Wei sereta Sapit Pegawai Pelajar Pelilih (PPD) Selangau Joanes l Tulang. - EDISI UKAS
