MERADONG: Program Mantar Gawai Hari Ke-21 ungkup Kunsil Nengeri (DUN) Meradong ditampung nengah pejalai nemuai ke sekeda rumah panjai di Nanga Stras, Jalai KJD enggau Skim B Meradong kena Hari Lima.

Kaban Kunsil Nengeri (ADUN) Meradong, Datuk Ding Kuong Hiing begulai enggau raban nampung program ke mega nyadi sebagi ari inisiatif ngundang rayat sereta ngabas peranak rumah panjai nyerumba Pengerami Gawai Dayak.

Sepanjai nemuai, iya ngena peluang nya berandau enggau peranak menua kelimpah mending kediri penemu, peminta enggau isu ti ditapi komuniti rumah panjai.

Nambah ke nya, Datuk Ding mega nyua geran khas Projek Mit Pemansang Menua Pesisir (MRP) ngagai Komiti Pemansang enggau Pengelikun Genturung Pendiau (JKKK) rumah panjai dikena nyukung pejalai bemacham aktiviti komuniti serimbai Pengerami Gawai Dayak 2026.

Ba pejalai ngabas nya richah enggau peranak ti belabuh besikap ngintu Gawai Dayak. - EDISI UKAS