DEBAK: Sapit Menteri Pemansang Pengelantang Komuniti Sarawak ti mega Kaban Kunsil Nengeri (ADUN) Saribas, Datuk Mohammad Razi Sitam nampung tradisyen ngundang komuniti renggat baruh nengah pejalai ngabang Gawai ba Rumah Jerai, ditu kena Hari Satu.

Iya ti datai urung pukul 11 pagi diambat Tuai Rumah Stephen Lambor Anak Langgi sereta peranak ti begempuru ngerami Gawai.

Pejalai ngabang nya meri peluang ngagai Datuk Mohammad Razi betemu lalu berandau enggau peranak seraya mendingka pemansang pemadu baru komuniti di rumah panjai nya.

Ba randau nya, iya mega meri terima kasih ngagai peranak ke semangat kerejasama enggau penyerakup ti majak dikemeran nyentuk nyaup nyaga pengelantang komuniti dia.

Bela datai, Tuai Ranting Kampung Tuie Suib Pa'aie, Ketua Ranting Kampung Medang Ani Narudin, Tuai Ranting Supa Hilir Kamri Karim sereta Tuai Kampung Tuie Kamaludin Brahim. - EDISI UKAS