SIBU: Bisi 4,000 butul minyak makai udah disadung ngagai rayat pegai sitak Kunsil Nengeri (DUN) Bawang Assan nengah Program Masa Komuniti ke diatur tiga hari berunggu.

Chairman program ke mega Raban Opis Kaunsil Menua Pesisir Sibu (MDLBS), Kaunselor Kevin Lau Kor Jie madah, program ke diatur 13, 14 enggau 17 Jun nya diatur dikena masa sereta beterima kasih ke sukung rayat di menua nya ngelama tu.

"Program tu nerima timbal ke manah lalu tim kami mujur nembuka program tu dalam kandang tiga hari," pia ku iya nengah penerang media, Hari Empat.

Iya mega madah, timbal nya mandangka sukung manah ari mensia mayuh ngagai program ke diatur sida.

Kelimpah ari nya, ku iya, tim sida bela ngelawa genturung pendiau di Lebaan, Empawah, Sungai Sadit, Engkilo, Sungai Bidut, Tanjung Kunyit enggau Paradom ba hari kepenudi program nyadung pemeri nya. -EDISI UKAS