MERADONG: Jasa pengajar nyadi penyungkak pengawa nempa modal mensia menyana patut dikenang laban sida nya ukai semina ngiri penemu aja, tang nempa ulah menuku rebak dudi.

Kaban Kunsil Nengeri (ADUN) Meradong, Datuk Ding Kuong Hiing madah, sulu jaku Hari Pengajar Taun 2026, “Guru Bitara, Nadi Negara”, endang senutuk enggau pengawa ngaku jasa pengajar ba pemansang menua.

“Pengawa bala pengajar engka enda seruran diperati, tang jasa sida udah nempa mayuh orang nyulut ti gawa ke pemansang nengeri enggau menua.

“Nya kebuah, pengawa ngingatka jasa bala pengajar patut seruran ditarak enggau ditampung serap komuniti,” ku iya.

Iya nyebut jaku nya ba Pengerami Jasamu Dikenang Serimbai Hari Pengajar Taun 2026 diatur SJK (C) Yong Kwong, ditu, Hari Empat.

Datuk Ding mega madah, tetiap pemujur diulih siku-siku enda ulih ngenggaika jasa pengajar ke seruran ngembing, ngajar enggau nyukung sida sekumbang belajar.

Iya madah, pengajar nya orang ti seruran gawa ke pengelantang orang bukai dikena nentuka bala anak diseridi bulih pelajar pemadu manah.

Ba pengerami nya, Datuk Ding mega ngemendarka Geran Khas Projek Mit Pemansang Menua Pesisir (MRP) penyampau RM3,000 ngagai sekula nya dikena nyukung aktiviti enggau pemansang sekula.-EDISI UKAS