SERIAN: Bisi 133 nembiak ari Kunsil Nengeri (DUN) Tebedu nerima Insentif Bantu Nembiak 2026 ngaul agih belanja sepenyampau RM52,300 kelai sukung nampung pelajar ba renggat tinggi agi enggau bidang pengelandik.

Kaban Kunsil Nengeri (ADUN) Tebedu, Dr Simon Sinang Bada madah, program nya diatur belama kenyau ari taun 2022 dikena meri peransang enggau sukung ngagai nembiak ti nampung pelajar ke palan pelajar tinggi perintah (IPTA), palan pelajar tinggi peribit (IPTS) sereta kolej pengelandik.

Ku iya, penyampau penerima nambah kenyau ari program nya diatur nyengkaum 77 penerima ba taun 2022, 78 ba taun 2023, 117 ba taun 2024, 160 ba taun 2025 enggau 133 taun tu.

“Ba taun 2022, bisi 77 iku nerima insentif, dientudi 78 iku ba taun 2023, 117 iku ba taun 2024, 160 iku ba taun 2025 enggau 133 iku taun tu,” ku iya.

Iya madah munyi nya ba Pengawa Nyuaka Bantu Insentif Nembiak 2026, ditu kena Hari Enam.

Iya mega madah, sepenyampau 563 nembiak udah nerima pemaik ari program nya sepanjai timpuh 2022 nyentuk 2026.

Penerima taun tu nyerangkung nembiak ari 56 genturung pendiau, nyengkaum sida ti datai ari tiga sekula primari (SMK) enggau 23 sekula primari (SK) dia. - EDISI UKAS