Pengerami Makai Lemai Basa Nengeri Ngerichah Hari Pengada Yang di-Pertua Negeri Sarawak Ke-80
KUCHING: Pengerami Makai Lemai Basa Nengeri Hari Pengada Ke-80 Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar diatur richah di Dewan Santapan, Kunsil Nengeri Sarawak, kena Hari Enam.
Pengerami bela digulu bini Tun Pehin Sri Dr Wan Junaidi, Toh Puan Datuk Patinggi Fauziah Mohd Sanusi sereta disempulang Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg enggau anak iya, Dayang Norjihan.
Pengerami dipun enggau pemerindang ngelalu temuai ari Kaunsil Seni Sarawak (MSS) sebdau ditampung enggau bacha sampi ari Imam Besai Sarawak, Sahibul Fadhilah Dato Mustapha Kamal Ahmad Fauzi.
Entara isi program pengerami nya mantaika video khas pejuluk “Bakti Tanpa Henti”, dientudi pengawa nyirap kek serimbai hari pengada Yang di-Pertua Negeri Sarawak.
Pengerami bela richah enggau meda video khas “Kembara D’Astana” sereta beperindang enggau bala penanyi lokal baka Karen Libau, Chien Ng, Firdaus Materang, Mal Imran enggau artis tebilang Daus Eli sereta Haziq Rosebi.
Sama datai, Sapit Menteri Besai, Datuk Amar Fadillah Yusof, Yang di-Pertua Dewan Negara, Senator Dato Sri Awang Bemee Awang Ali Basah, tiga Sapit Premier Sarawak, Datuk Amar Douglas Uggah Embas, Datuk Amar Awang Tengah Ali Hasan enggau Datuk Amar Prof. Dr. Sim Kui Hian, Speaker Kunsil Nengeri Sarawak, Tan Sri Datuk Amar Mohamad Asfia Awang Nasar; Menteri Utiliti enggau Telekomunikasyen Sarawak ke nyadi Menteri Ngempu Tanggungpengawa Pengerami Hari Pengada Ke-80 Yang di-Pertua Negeri Sarawak, Dato Sri Julaihi Narawi, raban Menteri, Sekretari Perintah Sarawak, Datuk Amar Mohamad Abu Bakar Marzuki, raban Sapit Menteri Sarawak, bala pemesai enggau tuai opis.
Pengerami Makai Lemai Basa Nengeri nya entara batang pengerami ke diatur serimbai nyambut pengerami Hari Pengada ke-80 TYT Yang di-Pertua Negeri Sarawak ungkup taun 2026.
Kelimpah ari nya, malam ke sama rayat Sarawak bela diperindang enggau Konsert Rakyat serimbai Hari Pengada TYT Sarawak Ke-80 ti beperindang enggau bala artis lokal baka Raquel Then, Yadee, Dayana Shini, Ramles Walter, Carry Geres, Harry Parren diiringi Band Agura sereta pemerindang khas, Floor 88, Aina Abdul enggau Dato Amy Search.
Bungai api mega ditebah nyadi batang pengerami malam nya. - EDISI UKAS
